L’omo

In prinsipio Dio crea el musso el ghe dise : “Te saré musso. Te lavoraré sensa mai lamentarte, dall’alba al tramonto, portando pesi sua gropa,
te magnaré erba, no te gavaré l’inteigensa e te vivaré fin a 50 ani. Te
saré musso”.

El musso ghe risponde: “Sarò musso, però rivàre a 50 ani xe massa;
damene 20”. El Signore dixe: “va ben!”

 

Eora Dio crea el  can el ghe dise: “Te saré can. Te difendaré a casa de
l’omo e te saré el so miliore amigo, te magnaré queo che i te darà e
te vivaré 25 ani. Te saré can”.

El can ghe risponde: “Signore, vivare
25 ani xe massa par mi, dame 10 ani che i me basta”. El Signore o
acontenta.

 

Eora Dio Crea a simia. “Te saré simia” dixe el Signore. “Te saltaré de
rama in rama fasendo a paiassa, te divertiré tuti e te vivaré 20 ani.
Te saré simia”.

“Signore, vivare 20 ani a xè dura, damene soeo10”.  “Concesso” dise el Signore.

 

Finalmente Dio crea l’omo  el ghe dise “Te saré omo,  l’unico essere bon
de rajonare sua faza dea tera, te usaré l’inteigensa par comandarghe ae
bestie, te dominaré el mondo intiero e te vivaré 20 ani. Te saré omo”.

Risponde l’omo: “Signore, sarò anca omo, ma vivare 20 ani me par
pocheto, dame i 30 ani che el musso ga rifiutà, i 15 che el can no ga
vossùo e i 10 ani che a simia no ga acetà”.

 

Cussì el Signore el ga fato.

 

Da alora l’omo vive 20 ani da omo, el se sposa e passa 30 ani da musso
lavorando e portando tuto el peso dea fameia sue so spae.
Dopo, quando i fioi va par conto suo el vive 15 ani da can, tendendo a casa
e magnando queo che ghe vien dà, par rivare a essare vecio, ‘ndare in pension
e vivare 10 ani da simia saltando de casa in casa, de fiolo in fiolo e fasendo
el paiasso par divertire i neodi!.

 

Xe tuto (ansi, anca massa!).

Powered by Il Conte

Loading Facebook Comments ...

2 pensieri su “L’omo

Lascia un commento

Il tuo indirizzo email non sarà pubblicato. I campi obbligatori sono contrassegnati *